Verbum Gloriae - Rorate caeli Lyrics

Roráte cæli désuper
Et nubes pluant justum

Ne irascáris Dómine
Ne ultra memíneris iniquitátis
Ecce cívitas Sancti facta est desérta
Sion desérta facta est
Jerúsalem desoláta est
Domus sanctificatiónis tuæ et glóriæ tuæ
Ubi laudavérunt te patres nostri

Roráte cæli désuper
Et nubes pluant justum

Peccávimus, et facti sumus tamquam immúndus nos
Et cecídimus quasi fólium univérsi
Et iniquitátes nostræ quasi ventus abstulérunt nos
Abscondísti fáciem tuam a nobis
Et allisísti nos in manu iniquitátis nostræ

Roráte cæli désuper
Et nubes pluant justum

Vide Dómine, afflictiónem pópuli tui
Et mitte quem missúrus es
Emítte Agnum dominatórem terræ
De Petra desérti ad montem fíliæ Sion
Ut áuferat ipse jugum captivitátis nostræ

Roráte cæli désuper
Et nubes pluant justum

Consolámini, consolámini, pópule meus
Cito véniet salus tua
Quare mæróre consúmeris
Quia innovávit te dolor
Salvábo te, noli timére
Ego enim sum Dóminus Deus tuus
Sanctus Israël, Redémptor tuus

Roráte cæli désuper
Et nubes pluant justum