Shauit - Tshin ka shuenimin Lyrics

Anumat niminueniten katshi minin tshetshi inniuian, tshin nutaui
Tshin ka tshishkutamuin, tshin ka shuenimin, tshin ka nitautshinin
Kassinu tshekuan tshituteti tshetshi minin tshekuan menuat
Tshimishta-ushkuiti, tshimishta-atusseti tshetshi nasht eka tshekuan nutepenian
Kie nanitam nika tshissituten

Nin niminuaten e tain anite e taian, kie niminuaten mamu e tutamaku tshekuan
Niminuaten mamu e kanutsheiaku, kie ma e papamuteiaku nete minashkuat
Nitshisseniten e minuatamin e papin, nanitam tshuitenimititi
Tshitutun tshetshi mishta-papian
Tshiminuaten e kussein, tshiminuaten e natauin
Eshpish mishta-uitshishtamin nutshimiu-mitshim
Nanitam tshinanatuapaten tshetshi kushpin

Nin nitshissituten ka uitamuin eshpish animatshenitamin
Nete tshitinniun, tshin nutaui
Apu ut nita tshi uenutishin, muku aiapit tshiminuateti tshetshi inniuin
E mamitunenitaman kassinu tshekuan ka uitamuin
Nin nipishkapaten eshpish nekatshikuin
Muku aiapit takuanipen e mishta-minuatamin
Eshakumitshishikua nin tshitaiamituatin
Kashikat nipakusheniten tshetshi minuinniuin