Kassav' - Enmé lavi Lyrics

An sav' byen menm si'w toujou ka ri
Kè ou ja vwè tout koulè
An tann di sé paskè lè'w tro bon
Kè lavi ka chouboulé'w kon sa
Surtou pa chanjé, ou ké ni la pé
Pas on jou lanmou ké vini méyè
Surtou pa chanjé, Ou ké soulajé
Ou toujou fè byen asi latè

An sav kè menm si'w toujou ka ri
Ou konnèt sa ki lavi
Lè yo di mizè pa ni koulè
Ni lontan ou té sav' sa kon sa
Surtou pa chanjé, ou ké ni la pé
Pas' on jou lèmond ké vin méyè
Surtou pa chanjé, Ou ké soulajé
Bondyé ka géri la penn
Dousi'y, vini

Ou tou jou chèché vin byen
Avè moun ki alantou
E mwen toujou fè mannèv
Pou nou pa manké ayen
Si ou ka pèrmèt jòdi la
An téké enmé rann vou
Tout sòt kalité lanmou
Kè ou ban mwen

Gouté lavi, pou enmé lavi
Pa kasé'y, Pou pa janmen tou sèl
Gouté lavi, pou enmé lavi
Pa kasé'y
Dousi'y, vini

Vini pou mwen montré'w la tè
Tou sa ki bèl kè Bondyé fè
Mi on ti kaskad ka koulé
La nati tout anboté
An ranmasé on flè sovaj
Pou pé mété an chivé aw
E vou menm ja anboté osi chérie

Gouté lavi, pou enmé lavi
Pa kasé'y, Ou pa janmen tou sèl
Gouté lavi, pou enmé lavi
Pa kasé'y

Profité pandan ni lanbéli
Profité, mi Bondyé ka fè nou
On ti jès, dé ti jès, twa ti jès
Pou lanmou
On ti jès, dé ti jès, twa ti jès, oh
Pa kasé'y