Bläck Fööss - 50 Johr Lyrics

Hau noch ens Öl en de Pann vun d'r Mam
Mir wulle immer noch Rievkoche han

Et Kathrin es neu jebore, zick et bei Tinder es
Hück lääch mer sech mem Scooter, statt mem Rollbrett op de Fress
Lange Samsdaach en d'r City es jetz de janze Woch
Dat et Wasser vun Kölle jot es, dat jläuve mer immer noch
Un en d'r Kayjass Nummero null
Do steiht en Montessorischull

Fuffzich Johr met Musik em Bloot
Fuffzich Johr, et deit immer noch joot
All die Leeder, die de hück noch kenns
Die singe sujar noch de Pänz vun d'r Pänz vun d'r Pänz

Em Bickendorfer Büdche es jetzt ene Hermes-Shop
Un mer klopp sech an der Tankstell, singe „Kaffee en d'r Kopp“
Dat Rita drink mem Linda, se sin ald fix und foxy
„Uns Kino un uns Stammlokal sin fott, dat schöne Roxy“
En Bud met Aussich vum Balkon
Koss dreimol mieh wie uns're Dom

Fuffzich Johr met Musik em Bloot
Fuffzich Johr, et deit immer noch joot
All die Leeder, die de hück noch kenns
Die singe sujar noch de Pänz vun d'r Pänz vun d'r Pänz

Op die fuffzich Johr, jo, jo, jo, jo
Jo, jo, jo, jo, jo
Op die fuffzich Johr, jo, jo, jo, jo
Jo, jo, jo, jo, jo

En de Weetschaff op d'r Eck es hück en Wettbüro
Dä Kaczmarek es Huusmeister vum Aapehuus em Zoo
Op singer joldene Huhzick danz en Birkesdörp dä Buur
Hä hürt de Bloskapell nur noch met Hürjerät em Uhr
Un ich laach mem Meiers Kättche
Weil et zo schwer es für mi Rädche

Fuffzich Johr met Musik em Bloot
Fuffzich Johr, et deit immer noch joot
All die Leeder, die de hück noch kenns
Die singe sujar noch de Pränz vun d'r Pränz vun d'r Pränz
Fuffzich Johr met Musik em Bloot
Fuffzich Johr, et deit immer noch joot
All die Leeder, die de hück noch kenns
Die singe sujar noch de Pränz vun d'r Pränz vun d'r Pränz

Op die fuffzich Johr, jo, jo, jo, jo
Jo, jo, jo, jo, jo
Op die fuffzich Johr, jo, jo, jo, jo
Jo, jo, jo, jo, jo
Op die fuffzich Johr, jo, jo, jo, jo
Jo, jo, jo, jo, jo
Op die nächste fuffzich Johr, jo, jo, jo, jo
Op die nächste fuffzich Johr, jo, jo, jo, jo
Op die nächste fuffzich