Patent Ochsner - W. Nuss vo Bümpliz Lyrics

D'w. nuss vo bümpliz geit dür d'strass
Liecht und flüchtig, wie nes gas
So unerreichbar höch
Bockstössigi himbeerbuebe
Schüüch und brav wie schaf
Schön fönfrisiert
Chöme tubetänzig nöch
Und d'spargle wachse I bluetjung morge
D'sunne chunnt's wird langsam warm

Sie het meh als hundert ching
Und jede früehlig git's es nöis
Het d'chiuchefänschterouge off
Und macht se zue bi jedem kuss
Und we sie lachet wärde bärge zu schtoub
Und jedes zäihe läderhärz wird weich

D'w. nuss vo bümpliz
Isch schön win es füür I dr nacht
Win e rose im schnee
We se gseh duss in bümpliz
De schlat mir mys härz hert im hals
Und I gseh win I ungergah, ja, ja

Sie wohnt im ne huus us glas
Hinger türe ohni schloss
Gseht dür jedi muur
Dänkt wi nes füürwärch
Win e zuckerschtock
Läbt win e wasserfau
Für sie git's nüt, wo's nid git
Und aus wo's git, git's nid für ging
Sie nimmt's wie's chunnt und lat's la gah

D'w. nuss vo bümpliz
Isch schön win es füür I dr nacht
Win e rose im schnee
We se gseh duss in bümpliz
De schlat mir mys härz hert im hals
Und I gseh win I ungergah

D'w. nuss vo bümpliz
Isch schön win es füür I dr nacht
Win e rose im schnee
We se gseh duss in bümpliz
De schlat mir mys härz hert im hals
Und I gseh win I ungergah