Patent Ochsner - Hotelsong Lyrics

Bi erwachet hüt am Morge
Da won i geschter scho bi gsi
Ir mitti vom ne Schrottplatz
Wie dr Esu vor em Bärg

I ha lang im Trüebe gfischet
U bi nümm ganz bi Troscht
Nüt, nüt isch mir heilig und i vermisse di
U we ds Suufe söu en Ehr sy de isch o ds chotze ke Schand

I ha Füür gschlückt u ha Füür gschpöit
Für nes Schmärzensgäud
I dene Tage wo so dunku si
Dass'mi dünkt ir Nacht sig's häu
Me seit es gäbi weder es inne no nes uss
Wüu aus wo i eim Inn isch, isch o uss
U aus wo uss isch, isch o i eim inn
U we das würklech schtimmt
De bhüet mi Gott dervor

Wenn i ändlech wieder bi dir bi
De leg i mi zu dir
I ds gmachte Näscht
Vom Mäntig z'nacht bis am Mäntig morge
Bis am Mäntig morge

Los
Ghörsch wie d Glogge lüte im Chiucheturm
U dä wo sie verloche hüt
Dä wär i geschter gärn gsi
Dr Hans im Schnäggeloch
Dä isch mit mir verwandt
U hoffentlech hesch rächt gha
Wo d'hesch zue mer gseit:
„Was d'nid hesch muesch o nid unbedingt verlore gä“

Wenn i ändlech wieder bi dir bi
De leg i mi zu dir
I ds gmachte Näscht
Vom Mäntig z'nacht bis am Mäntig morge
Bis am Mäntig morge

Hey Büne
Hoffentlech hesch rächt gha
Wo d'hesch zue mer gseit
„Was d'nid hesch muesch o nid unbedingt verlore gä“
Hoffentlech hesch rächt gha
Wo d'hesch zue mer gseit
Ja, hoffentlech hesch rächt gha
Wo d'hesch zue üs gseit
Oh, hoffentlech hesch rächt gha
Wo d'hesch zue mer gseit
„Was d'nid hesch muesch o nid unbedingt verlore gä“
„Was d'nid hesch muesch o nid unbedingt verlore gä“
„Was d'nid hesch muesch o nid unbedingt verlore gä“
„Was d'nid hesch muesch o nid unbedingt verlore gä“
„Was d'nid hesch muesch o nid unbedingt verlore gä“
„Was d'no nid hesch muesch o nid unbedingt verlore gä“
Verlore gä
Verlore gä
Verlore gä