MV Killa - 25 MOTIVI Lyrics

Ah, ah

'O sole che s'acala, nu raggio trase dint'e feneste
'O paesaggio che scumpare
Nun saje 'e chi t'he fidà si 'e nu cumpagno o nu rivale
Si ce mitte aspettativa na delusione fa male
E 'a sensazione è letale
I' ce convivo, so' vint'anne ormaje
Che da verità nn'se fuje, è cchiù nu fatto reale
E 'a vittoria nun esiste, è cchiù nu stato mentale
Pecché pure senza niente tiene 'o munno pe mmane, ah
Tu che t'aspiette a me? Nn'pozzo risolvere 'e probleme che tiene
Ma si ti sto vicino almeno è pecché putimmo spartere 'o dulore
Nun me ne fotte 'e chi tene tuorto o tene ragione
Tu nun perdere 'a visione
N'ata estate fernesce, accummencia 'a tempesta
'O tiempo avversa, penziere e controversia
Turnasse a quanno jevo a scola e sette
E mamma me diceva, "Jà, curre fa' ampresso"
Mo mantengo 'e sorde, 'e 'nvesto
Lloro te vedono 'ncopp'a Instagram
Ma I' te saccio senza filtre, in ogne senzo
Parole, rimorse e destine scritte
È scuntato na presenza, l'emozione toje in conflitto
Quanno pienze ca nun ce stongo cchiù
No 'e storie in evidenza, è apparenza
I' piglio 'a forza dint'a ll'uocchie e chi me vede n'esempio
'Ncopp'a strada do successo, forte comme sempe
Forse cu mena genta attuorno e senza scuorno veco meglio
Songo 'e dudice e dudice, 'o piglio comme segno
'A parte cchiù sincera 'e me dint'a nu Walkman, ehi
E I' penzo ancora ca me vuò bbene, nn'è overo?
Comme faje a dicere 'e stessi ccose a n'ata perzona?
Ah? Comme faje?
E pe nun sentì 'a mancanza stongo fore pe na sera
Me distraggo, faccio 'e ccose pe nun ce penzà cchiù e ajere
Jetto 'ncoppo San Martino pe turnà a quanno ce stive
Pe m'arricordà chi ero pe'tté, tengo vinticinche motive

I' voglio vedé si vale ancora na prumessa
Tu pienze 'a colpa è 'a mia, ma l'he vuluto tu
Pecché primma me faje male e po te piente?
Nn'aggio fatto maje niente pe'tté?
Pecché miente a te stessa?
E si ce perdessemo 'e nuje po che resta?
Si tutt''e cose fernesse

Sottolineo 'e frase 'int'a nu libro
Jesce ch''e cumpagne ca nn'sentive a quase n'anne
Parlave male e lloro, mo parle male 'e me cu lloro
Tutto chesto è finzione, lascia 'o tiempo che trova
I' tengo ancora tutt''e lettere
Addò 'e suonne mie 'e notte se vanno a mettere
Po ammischio ammore e passione
Piglio n'ata direzione e realizzo 'a proiezione e chi voglio essere
E fa' chello che ll'ate nun riescono, ah
Quanno me ne jetto 'e casa nisciuno 'o sapeva
Afore 'e te e ati tre, accussì bell''e bbuono
T'he maje chiesto che se prova
Quanno pierde pure 'a ragione jenno appriesso a n'illussione
E quanno partetto tenevo diciannove anne, n'era fà vinte
Cu mille euro a fine mese, c''o friddo scenneva e cinche
Immaginavo 'o palco e 'a gente annanze
Vulevo sulo n'opportunità, vulevo sulo na chance
E pe vedé na stella disegno 'o cielo 'int'a na stanza
Mancanza d'autostima, nn'me sentevo maje abbastanza
E vaje annanze p'orgoglio e cicatrice, scelte e sacrificie
Pareva accussì luntano, era difficile

I' voglio vedé si vale ancora na prumessa
Tu pienze 'a colpa è 'a mia, ma l'he vuluto tu
Pecché primma me faje male e po te piente?
Nn'aggio fatto maje niente pe'tté?
Pecché miente a te stessa?
E si ce perdessemo 'e nuje po che resta?
Si tutt''e cose fernesse